ريت ليٌام للشاعر فوزي غديٌر

ريت ليام بالحلو و المر عديناها == وبعنا عزها وهناها == بلارداة إدت الوالدين معاها .
هـــزت الوالــديــن وتــــعــــــدت === وعــطـتنا بالــقـــفــا وصـدت .
وريــت لـماجـع فــينا شـــــــــدت === مالـقــينا باش نقــصــرو خطاها .
ولــيام جــارت بالـهـم ســــــــدت === هـذا طـبعها بعد الزهــو جربناها .
الـــزهـو تـلـفــنـــا أشــــــــــواره === وهـدمـنا حــيوطــه وأســــــواره .
ولـيام دارت كي الحيل عالجرارة === وماعدنا نجبرو ذكرها واسماهـا .
ومحال لنجبرو كسرالبــــــــلارة === عن زول الوالدين أتقو وراهــــا .
مشــو معاها إتـــــقــــــــــــــــــو === مني إنهالــو الخـــواطر رقـــــو .
وحسيت الأدراك لجواجي شـقـو === وكمل طـبيـبي سار في مهــواها .
وعلى الله دعاوي الخير عليٌ يوقـٌو === ولا الخيابة نحسنو فعلها وسداها .
الخــــيابة لاهي لأمي لا لأجـداي === و الــسو نــبعد عــليه غـــــادي .
وعالإحسان نوصي عليه أكبادي === سوي خصمة ولاٌ الزمان عطاها .
وقد ما رقتني الأصــهـــــــادي === شكيت حالــي للحــجر كيف يراها . .
الحجـر شكــيتله بـــصوابـــــــه === بكــى علي بطيــــنــــته وتــرابــه .
وعام السنى مابغت تجي الصابة === ومافدرنا نرتعو في ربيع فلاها .
وياغالي ما إدوم عليك خيــابــة === الأحباب وقت الشدة يبان غلاها
ريت الحبيب الـــــــغــــــــالي === يقسم معايا الحزن التالي .
ناشد حارص عن ماجـــــرالي === سوى ذكرى ولا الوقت طواها .
وحتى دق نهار المــــشـــــالي === ما يولي خطوة ولاروحي نساها .
روحي بوجعها ماهي منسيـــة === كل يوم نجومها تطلع حية .
فاقدة حضن الدفى بلا بغــــية === ذهلت لفكار رافضة قضاها ..
عاكس الزمان بشدايد قويــــــة === راجيت الغايب شوي كلٌل عزاها .
عالغايب قلبــــي تبـــــــــرٌج === مريض هــالك كبـــدي متمــرٌج .
ضاع حصاني وماعدت مسرٌج === دايخ ضاقت عليا الدنيا بوطاها .
حتى مشيت نمشي متــحــــــرٌج === نرقب في العالي يسقم مجراها ..

مشكووووووووور

أبيات شعرية رائعة مشكور على مجهودك

عفوا أحبابي ربي يخليكم . هذا من حسن ذوقكم .

شكر يا اخي فوزي علي هذا الشعر وارجو منكا المزيد

شكران اخي فوزى علي مجهودك

عفوا خويا محمد ربي يخليك .

وإياك يا خويا ..

شعر في المستوى سمعت قصائدك ماشاء الله عليك
وهزت الفؤد تلك القصيد الموحية والجميلة على (الوالد الكريم)رحمه الله نتمنى لك المزيد من التألق اخي الكريم

شكرا الأخت نورة ربي يبارك في عمرك ياغالية هذا من حسن ذوقك ..

وفيك بارك الله أخي الله يبارك في عمرك ياغالي .